Филиппин улсын Манилла хотод 10.28-10.29-ний хооронд зохион байгуулагдсан Ой тогтоолтын Ази тивийн аварга шалгаруулах нээлттэй тэмцээнд Монгол, БНХАУ, Филиппин, Индонези, Австрали зэрэг 7 орны 82 шилдэг тамирчид 2 өдрийн турш оюуны гал гарсан өрсөлдөөнийг үзүүлж шилдгүүдээ тодрууллаа.

Манай улсыг төлөөлөн 16 тамирчин ОУ-ын шүүгч, дасгалжуулагч Б.Баасандорж, Ө.Сэнгэсамдан нарын хамт амжилттай оролцон нийт 90 медалиас 22 алт, 14 мөнгө, 18 хүрэл буюу нийт 54 медаль хүртэн багаараа ҮНЭМЛЭХҮЙ ялалтыг авлаа.

#Багийн_төрөл

Манай баг тамирчид 19711 оноо цуглуулан “АВАРГА БАГ” боллоо.

Ганцаарчилсан төрөлд тэмцээний 10 төрлийн дараах дүнгээр:

#Бага_насны_ангилалд

Б.Анужин

Zimam Akmal Kurnia Adha

Danish Irwaman

#Өсвөр_насны_ангилалд

Их Мастер Ц.Оюун-Эрдэнэ

ОУ-ын Мастер Ц.Номин-Эрдэнэ

ОУ-ын Мастер Э.Үүрийнцолмон

#Насанд_хүрэгчдийн_ангилалд

Naoki Miwa

ОУ-ын Мастер Г.Мянганбаяр

ОУ-ын Их Мастер Э.Пүрэвжав

#Бүх _насны_ангилалд

Тус тэмцээний 10 төрлийн дараах нийлбэр оноогоор 2022 оны Өсвөрийн Дэлхийн Аварга, Их Мастер, -н тамирчин Ц.Оюун-Эрдэнэ 7198 оноогоор тэргүүлж АВАРГА боллоо.

#ДЭЛХИЙН_5_РЕКОРД

1. ОУ Мастер Г.Мянганбаяр - “Зураг” - 507

2. Б.Анужин - “Зураг” - 450 (өсвөр)

3. Их Мастер Ц.Оюун-Эрдэнэ - “Хоёртын тоолол” - 5049 (өсвөр)

4. ОУ Мастер Ц.Номин-Эрдэнэ - “Баганан үгс” - 299 (өсвөр)

5. ОУ Мастер Э.Үүрийнцолмон - “Тооны марафон” - 1780 (өсвөр)

#ТАЛАРХАЛ

Эх орноо төлөөлөн оролцсон бүх тамирчдадаа халуун баяр хүргээд тэднийг амжилттай бэлтгэсэн багш, дасгалжуулагч нартаа, ОУ-ын Их Мастер Б.Лхагвадоржийн зардлыг ивээн тэтгэсэн “Хоргын Хүү” компанийн хамт олонд, ОУ-ын Мастер Л.Уянгын зардлыг ивээн тэтгэсэн “PIZZA HUT”-ын хамт олонд, энэ өндөр амжилт гаргах үндэс нь болсон академийн хамт олон, амжилтын эзэн тамирчид, үргэлж дэмжиж байдаг тамирчдынхаа гэр бүлийнхэнд нь болон урмын үгээ харамгүй хайрлан дэмжиж байдаг элэг нэгт Монголчууддаа талархсанаа илэрхийлье.

#ШИЛДГҮҮД

Та нар бүгд эх орноо олон улсад амжилттай сурталчилсан "ШИЛДГҮҮД" шүү.

#WOOOOW

Ингээд бид Америк, Англи, Герман, Турк, Хятад, Хонг Конг, Сингапур, Австри, Индонез, Япон, Солонгос, Швед, Энэтхэг зэрэг 20 гаруй улсад болсон цээж бодолт, хурдан уншлага, ой тогтоолтын олон улсын 65 дахь тэмцээндээ амжилттай оролцон 124 цом, 1333 медалиа хүртэж дэлхийн олон дээд амжилтыг шинэчлэн тогтоож амжилтын буухиагаа үргэлжлүүлсээр байна.

МОНГОЛЫН ОЮУН УХААНЫ АКАДЕМИ

2023.10.30