Зарим хүмүүс “Тооны машин байхад цээжээр бодуулж хүүхдүүдээ зовоох ямар хэрэгтэй юм бэ?” гэж асуудаг. Энэ асуултад дараах байдлаар хариулж болно. Машинтай хүн ч эрүүл байхын тулд фитнес төвд эсвэл гадаа гүйлтийн талбайд гүйдэг. Тэгвэл “Машин байхад гүйж өөрийгөө юунд зовооно вэ?” гэж асуух хэрэгтэй. Үүнтэй адил цээж бодолт нь тархийг эрүүл байлгах хамгийн гайхамшигтай дасгал юм. Эцэг, эхчүүдийн хувьд бас нэг буруу ойлголт бол цээжээр тоо бодно гэдэг нь хүүхдийг залхааж ядраадаг гэж үздэг. Одоогийн дунд сургуулиудад зааж буй дөрвөн аргын тоо бодох уламжлалт арга нь ямар ч хүнийг залхааж ядраах, хурдтай бодох ч боломжгүй болгодог. Учир нь уламжлалт арга тархины зөвхөн нэг тал буюу зүүн тархийг ажиллуулдаг тул бодоход төвөгтэй түүнчлэн тархины хөгжилд синержи буюу хоёр тархины хамтын ажиллагаанд саад болдог. Хамгийн чухал зүйл бол хоёр тархины оролцоотойгоор хялбар, хурдтай арифметик үйлдлийг цээжээр гүйцэтгэхэд тус хөтөлбөрийн зорилго оршиж байна.

Тархины 2/3-ыг эзэлж буй дээд тархи зүүн болон баруун гэсэн хоёр тал бөмбөлөгтэй. Хоёр тархи тус тусдаа үйл ажиллагааг хариуцаж хоорондоо уялдаа холбоотой ажилладаг. Гэвч ихэнх хүний хувьд өдөр тутмын амьдрал болон хичээл ном, ажил мэргэжилдээ зүүн тал бөмбөлгийг давамгай ашигладаг. Үүний шалтгаан нь манай боловсролын систем тархины зүүн хагас бөмбөлөг дээр суурилж мэдээллийг логик сэтгэлгээнд тулгуурлаж заадагтай холбоотой. Үүнээс болж хүүхдийн бүтээлч сэтгэлгээ орхигдож байдаг. Суралцах үйл явцад баруун тархины оролцоо дутагдсанаар бүтээмж муутай байдаг гэсэн үг. Тус хөтөлбөрийн онцлог бол цээжээр бодох явцад зүүн тархи оролцохоос гадна төсөөлөл, мэдрэхүй, мэдрэмж зэргийг хариуцаж байдаг баруун тархи идэвхижсэнээр хурдтай сэтгэж, бүтээлч байх боломж бүрдэнэ.

Сургалтын давуу тал нь хичээлийн турш хүүхдийн идэвх оролцоог бүрэн хангадаг. Багш шинэ сэдвийг үлгэр, төсөөлөл дээр тулгуурлан хөгжилтэй үйл явдлаар тайлбарладаг нь сурагчдыг залхаахгүй байх үндэс нь юм. Өөрөөр хэлбэл сургалт нам гүм, залхуутай орчинд биш тоглоомын арга дээр тулгуурлан хүүхэд бүрийн оролцоотойгоор явагдана. Ингэснээр суралцагч сургалтын хугацаанд хэзээ ч сургалтын дарамтыг мэдрэхгүй. Энэ нь хүүхдэд сурах хүслийг бий болгож, өндөр түвшинд сэдэлжүүлж өгдөг.

Хуруундай хөтөлбөрт хамрагдсанаар таны хүүхэд олон үйлдэлдэй олон тооны арифметик үйлдлийг хурдтай тооцоолж сурахаас гадна анхаарал төвлөрөлт, сэтгэхүй, ой тогтоолт, тууштай зан чанар, өөртөө итгэх итгэлийг нэмэгдүүлж хоёр тархийг хамтад нь хөгжүүлж өгдөг. Өөрөөр хэлбэл хурдтай тоо бодох нь мөсөн уулын харагдаж буй нэг хэсэг нь л юм.

Хуруу ашиглан хурдтай тооцоолол хийх нь бидний мэдэх бага насны хүүхэд дөнгөж тоо сураад хуруугаараа тоо боддог уламжлалт арга барилаас тэс ондоо зүйл. Хүүхэд энэ бүх үйлдлийг маш богино хугацаанд хийхийн тулд хурдтай сэтгэж хуруугаа ашиглан хариуг гаргадаг. Энэ чадварт мэргэших тусам хуруу ашиглах шаардлагагүй болно. Мөн тооцоолох хэрэгсэлд мэдрэхүйн эрхтний оролцоог хангаж өгснөөрөө хоёр гарыг хянаж байдаг баруун, зүүн тархийг идэвхжүүлж өгдөг. Бидний сонсож ирсэн "Гар ажиллавал тархи ажиллана" гэдэгтэй адил хоёр гараа ашиглан тархиа хөгжүүлж буй хэлбэр юм.

Систем нь үндсэндээ соробангийн системд суурилсан. Учир нь гарын эрхий хуруунаас бусад хуруу нь сампингийн доод эрхийг харин эрхий хуруу сампингийн дээд эрхийг төлөөлнө. Үүн дээр тулгуурлан бүх аргачлалыг нэг томъёонд багтаасан учир хүүхэд соробангийн сургалт шиг сампин, карт болон төсөөлөл дээр тус тусад нь ажиллах зэрэг урт хугацаа шаардахгүйгээр маш богино хугацаанд төвөггүй суралцаж үр дүн гаргадаг.

Сургалтын төгсгөлд нэг удаагийн 10,000 төгрөгийн хураамж төлж төгсөгчдөд зориулсан дасгалын программын эрхээ нээлгэн хүссэн үедээ ажиллах боломжтой.

Ой тогтоолт болон түргэн бодолтын үндсэн сургалтуудад хамгийн багадаа 2-р ангийн хүүхэд элсэн суралцах боломжтой. Учир нь 1-р ангийн хүүхдийн хувьд дөнгөж сургуульд орж суралцаж байгаа учир уламжлалт аргатай хольж будилах тохиолдол гарах, сургуулийн өмнөх насны хүүхдийн хувьд сургуулийн анги танхим, багш, урт хугацаагаар тогтвортой сууна гэсэн бүрэн дүүрэн ойлголт байдаггүй учир төвлөрч суухад бэрхшээлтэй байдаг. Тиймээс сургуулийн өмнөх насны хүүхдүүдэд эдгээр хөтөлбөрийг өдөрт бага хугацаагаар тоглоомын арга ашиглан академийн харьяа цэцэрлэг дээр хэрэгжүүлдэг. Бусад хөдөлгөөнт сургалтын хувьд бага насны хүүхэд хамрагдах боломжтой.

Хуруундай сургалтад хамрагдаж буй хүүхэд гэртээ өдөр бүр багадаа 15 минут дасгалын программ дээрээ ажиллах хэрэгтэй. Хүүхдийн хөгжил эцэг эх, багшийн хамтын ажиллагааны үр дүн байдаг. Та хүүхдэдээ хоногийн 24 цагаас ердөө 15-хан минутыг даалгавар хийх тал дээр нь анхаарснаар хүүхдийнхээ гарах үр дүнгээр бахархах болно. Даалгавар хийлгэхдээ урдуур нь орж бодсон бодлогыг нь зөв, буруу гэж шүүж болохгүй. Буруу хариу гаргасан ч урам өгч байгаарай. Гаргасан алдааг нь багш анги дээр засах болно. Та зөвхөн дасгалын програм дээрээ ажиллаж байгаа эсэхэд нь л хяналт тавина. Зуны түргэвчилсэн сургалтын хувьд энэ хугацааг 15, 15 минутаар давтуулах байдлаар өдөрт нэг цаг хийх хэрэгтэй.

Тухайн сургалттай холбоотой дасгалын ном болон гэрийн компьютертээ дасгалын программ суулгах эрхийг өгнө. Хүүхэд үзсэн хичээлтэй холбоотой ном болон дасгал программ дээр өдөр бүр багадаа 20 минут хийх шаардлагатай.

Хичээл ихэвчлэн хүүхдүүдийн оролцоон дээр тулгуурлаж явагдах ба хичээл бүр дээр тэмцээн зохиох хэлбэрээр явагдаж хүүхдийг идэвхжүүлж байдаг. Тиймээс хүүхдүүд дасгал хийх бүртээ эрч хүчтэй байдаг. Гэхдээ зарим хүүхдийн хувьд залхуутай, төвөгтэй санагдах үе бий. Энэ бол том амжилтын төлөө явж байгаа хүнд тохиолдож буй энгийн бэрхшээл юм. Күнзийн сургааль дээр хэлсэн шиг “Их битгий хий, бага битгий хий! Харин өдөр бүр хий!” гэсэн зарчмыг л баримтлах хэрэгтэй. Бага багаар хийгээд байхад нэг л мэдэхэд эрс сайжирна. Хамгийн гол нь хүүхэд бүрт шинэ сэдвийг маш сайн ойлгуулах тул гэртээ дасгалын программ дээр даалгавраа хийхээ л орхигдуулж болохгүй. Дасгалын софтвэйр програм бол манай сургалтын маш том давуу тал юм. Мөн хичээл дээр хүүхдийг идэвхжүүлэх спорт өрөлт зэрэг сэтгэхүйн олон тоглоом, хичээл бий.

Хуруундай хөтөлбөрийн шинэлэг, дэвшилтэд арга нь тус хөтөлбөрийн гол түлхүүр юм. Арифметик үйлдлийг гүйцэтгэх уламжлалт арга нь зүүн тархины үйл ажиллагаан дээр суурилсан байдаг ба үүнээс шалтгаалан тархины чадамжийг үр дүнтэй ашиглах боломжийг хязгаарладаг. Сургуульд заагдаж буй уламжлалт аргаар энгийн бодлогуудыг бал, цаас ашиглалгүйгээр цээжээр бодож чадна. Гэхдээ илүү олон үйлдэлтэй олон бодлогыг хурдтай бодох боломжгүй. Харин энэ хөтөлбөрийн гол агуулга нь тархины баруун хагас бөмбөлгийн оролцоотойгоор төсөөллийг бий болгосноороо суралцагчдын тархины мэдээлэл боловсруулах чадамжийг дээшлүүлэн олон тооны арифметик үйлдлийг хурдтай, зөв хийхэд тусалдаг. Энэ нь хүүхдэд тархины хоёр хагас бөмбөлгийг хамтад нь тэнцвэртэй ашиглахыг сурган сурлагын амжилтыг мэдэгдэхүйц сайжруулдаг.

Та хүүхдийнхээ онцлогийг сургуулийн багшид анхнаас нь маш сайн ойлгуулах хэрэгтэй. Ингэснээр хүүхдийн урам зориг, чадварыг нь үгүйсгэлгүйгээр хичээлээ тайлбарлахад хүүхэд маш хурдан ойлгож чадах юм. Учир нь энэ олон тооны арифметик үйлдлийг хүний санаанд орохооргүй богино хугацаанд сэтгэж бодож байгаа хүүхэд энгийн ямар ч сэдвийг төвөггүй ойлгох боломж бүрддэг.

Хуруундай хөтөлбөрийн хичээлийг заах багш нар Монголын Оюун Ухааны академи дээр бэлтгэгддэг. Энэ хөтөлбөрийг олон улсад заах эрхтэй Master Trainer буюу Мастер Сургагч багш Х.Хатанбаатарын удирдлага доор багш нар урт хугацаанд бэлтгэгдэж амжилттай төгссөн багш нар заах аргазүйн сертификатаа гардан авдаг. Тухайн багшийн талаарх мэдээллийг академийн Сургалтын албанаас тодруулах боломжтой.

Хүүхдийн оюуны хөгжил эцэг, эх, багшийн хамтын ажиллагааны үр дүнгээс шалтгаалах учир сургалтын явцад эцэг, эх хүүхдээ хүргэж өгөх, авахдаа багштай байнга холбоотой байж хүүхдийнхээ хөгжлийн талаарх мэдээллийг тогтмол авч санал бодлоо солилцох үүрэгтэй. Шат шатны сургалтын төгсгөлд эцэг эхчүүдэд зориулсан нээлттэй хичээл орох ба эцэг эх үнэлэлт, дүгнэлтээ өгдөг.

Хүүхдийн хөгжил ялангуяа бага насны хүүхдийн хөгжил бол эцэг эх, багшийн хамтын ажиллагааны үр дүн байдаг тул эцэг эхчүүдийн анхаарах ёстой хэд хэдэн зүйлийг санамж болгон орууллаа.
✔ Сургалтын хугацаанд багштай тогтмол холбоотой байж хүүхдийнхээ хөгжлийн талаар мэдээлэл авах
✔ Сургалттай холбоотой санал, хүсэлтээ сургалтын албанд бичгээр мэдэгдэж байх
✔ Үзсэн хичээлийнхаа даалгаврыг хийхэд нь шаардлагатай компьютерээр хангах
✔ Өдөр бүр 15 минут даалгавар хийх тал дээр нь анхаарах, боломжийг нь бүрдүүлэх
✔ Хүүхдийг хичээлээс хоцруулахгүй мөн таслуулахгүй байх
✔ Хичээл цагтаа эхэлж цагтаа дуусах тул хүүхдээ авчрах болон авахдаа цаг барих

Монголын Оюун Ухааны академи бүх насныханд зориулсан оюуны хөгжил, оюуны спортын олон талт сургалт явуулдаг. Хүүхдэд зориулсан сургалтаас дурдвал ой тогтоолт, түргэн бодолт, рубикийн шоо, спорт өрөлт, тааварт бодлого, сэтгэх чадвар – бүтээлч сэтгэлгээ гэх мэт сургалт явагддаг.

Сургалтын талаарх дэлгэрэнгүй мэдээллийг тус сайтаас болон 7000-2266 холбогдож мэдээлэл авна уу