Энэ сарын 7-9-ний өдрүүдэд Дэлхийн Оюуны Спортын Холбоо (WISF) нь “Цээж бодолт”, “Рубик шоо”, “Spelling Bee” Англи хэлний үсэглэлийн аварга шалгаруулах гурван төрөлт тэмцээнийг БНТУ-ын Анталия хотноо амжилттай зохион байгууллаа.Тус тэмцээнд дөрвөн улсын 100 гаруй тамирчин оролцсон бөгөөд манай улсыг төлөөлөн Монголын Оюун Ухааны Академи болон академийн хөтөлбөр хэрэгжүүлэгч “Язгуур” бага сургуулийн нийт 11 оюуны спортын тамирчин нас насны ангилалдаа амжилттай өрсөлдөж манай есөн тамирчин оролцсон төрөл тус бүртээ эхний гурван байрт мөн хоёр тамирчин тусгай байрт тус тус орж авах боломжит 15 медалийн 12-ыг нь хүртэж тэргүүллээ.Тодруулбал:“Цээж бодолт”-ын тэмцээн8-аас доош насны ангилал “Дээд” түвшин:1-р байр: С.Чингим (Язгуур бага сургууль)2-р байр: Б.Гарьд (Язгуур бага сургууль)3-р байр: Ө.Амин-Эрдэнэ (Өвөрхангай салбар)Тусгай байр: Б.Тэмүүлэн (Яармаг салбар)&nbsp;9-10 насны ангилал “Дээд” түвшин:1-р байр: Э.Мөнхбаатар (Улаанхуаран салбар)2-р байр: Д.Чингүүн (Язгуур бага сургууль)&nbsp;9-10 насны ангилал “Суурь” түвшин:1-р байр: Т.Манлай (Язгуур бага сургууль)&nbsp;11-ээс дээш насны ангилал “Дээд” түвшин:1-р байр: М.Буянжаргал (Хөвсгөл салбар)Тусгай байр: Б.Хонгорзул (Хөвсгөл салбар)&nbsp;“Spelling Bee” Англи хэлний үсэглэлийн тэмцээн1-р байр: Т.Манлай (Язгуур бага сургууль)2-р байр: А.Одбилиг (Язгуур бага сургууль)3-р байр: Д.Чингүүн (Язгуур бага сургууль)&nbsp;“Рубик шоо”-ны тэмцээн2-р байр: О.Түвшин (Говьсүмбэр салбар)3-р байр: Б.Гарьд (Язгуур бага сургууль)Анх удаа олон улсын тэмцээнд оролцож гайхамшигтай ялалт байгуулсан тамирчид, тэднийг амжилттай бэлтгэн оролцуулсан багш нартаа баярлалаа. Мөн бидний үйл ажиллагааг байнга дэмжиж байдаг тамирчдынхаа гэр бүл, хамт олон,элэг нэгтнүүддээ талархсанаа илэрхийлье.Ингээд бид Америк, Англи, Герман, Энэтхэг, Хятад, Швед, Турк, Сингапур, Япон, Солонгос зэрэг дэлхийн олон арван улсад зохиогдсон оюуны спортын 63 дахь тэмцээндээ амжилттай оролцож 117 цом, 1208 медаль хүртэн гиннес, дэлхийн олон дээд амжилтыг шинэчлэн тогтоож эх орноо олон улсад амжилттай сурталчилсаар байна.&nbsp;Монголын Оюун Ухааны АкадемиЗахирал Х.ХатанбаатарБНТУ/Анталия хот2023.05.09

ТУРКТ БОЛСОН ТЭМЦЭЭНД ТЭРГҮҮЛЛЭЭ

Дэлхийн Оюуны Спортын холбооноос зохион байгуулж буй "WISF-Antalya 2023" олон улсын тэмцээн энэ оны 5 дугаар сарын 7-9-ний өдрүүдэд Mental Arithmetic /цээж бодолт/, Speed cubing /рубикийн шоо/, Spelling bee /үсэглэлийн аварга/ 3 төрлөөр Турк улсын Анталия хотноо зохион байгуулагдана.Тус тэмцээнд Монголын Оюун Ухааны Академийн 8-12 насны 11 тамирчин, багш дасгалжуулагчийн бүрэлдэхүүнтэйгээр оролцохоор бэлтгэл сургуулилтдаа ороод байгаа билээ.&nbsp;Тамирчдын нэрс:1. С.Чингим /Yazguur club/2. Б.Гарьд /Yazguur club/3. Б.Тэмүүлэн /Stars club/4. Ө.Амин-Эрдэнэ /Alpha club/5. А.Одбилиг /Yazguur club/6. Э.Мөнхбаатар /Reds club/7. Д.Чингүүн /Yazguur club/8. Т.Манлай /Yazguur club/9. О.Түвшин /Intelligence Zenith club/10. М.Буянжаргал /Huvsgul club/11. Б.Хонгорзул /Huvsgul club/&nbsp;Дашрамд дурдахад манай хамт олон дотооддоо оюуны спортын 132 тэмцээнийг амжилттай зохион байгуулж давтагдсан тоогоор 21,000 гаруй тамирчдыг хамруулж, АНУ, Их Британи, БНХАУ, БНСУ, БНЭУ зэрэг 20 гаруй улс оронд зохиогдсон олон улсын 62 тэмцээнд шигшээ багаа бэлтгэн оролцуулж ой тогтоолт, цээж бодолт, рубик шоо, хурдан уншлага, спорт өрөлтөөр олон улсын, дэлхийн, оюуны олимп зэрэг томоохон тэмцээний аваргуудтай болж нийтдээ 105 цом, 1169 медалийг хүртэн эх орноо олон улсад амжилттай сурталчлан оюуны спортын дэлхийн чансаанд Монголын баг тамирчид тэргүүлсээр байна.Баг тамирчдадаа өндөр амжилт хүсье!&nbsp;

"WISF ANTALYA-2023" ОЮУНЫ СПОРТЫН ОУ-ЫН ТЭМЦЭЭНД ОРОЛЦОНО

Энэ сарын 7-9-ний хооронд Сингапур улсад зохион байгуулагдсан Спорт өрөлтийн дэлхийн аварга шалгаруулах тэмцээнд 17 улсын 367 тамирчин 13 насны ангилалд өрсөлдлөө. Тэмцээн “Ганцаарчилсан”, “Хос”, “Багийн буухиа” болон “Гэр бүл” гэсэн үндсэн дөрвөн төрлөөс гадна улс бүрийн шилдэг эрэгтэй, эмэгтэй тамирчид болон багийн өрсөлдөөнүүд явагдаж тэмцээнийг маш сонирхолтой болгож чадлаа.&nbsp;Энэ удаагийн тэмцээнд Монгол Улсаа төлөөлөн Улаанбаатар хот болон орон нутгаас шалгарсан шигшээ багийн 5-58 насны 39 тамирчин оюун ухаан, хурд, авхаалж самбаагаараа өрсөлдөж 27 медаль хүртлээ.Энэ гайхалтай амжилтын эзэд болсон нийт тамирчдадаа дахин баяр хүргэж дараа дараагийн тэмцээн уралдаанд нь өндөр амжилт хүсье!&nbsp;Мөн тамирчдаа шаргуу бэлтгэсэн спорт өрөлтийн клубүүдийн удирдлага, багш нар, шигшээ багийн Ахлах дасгалжуулагч Э.Эрдэнэмандах болон тамирчдын маань үргэлж ар тал нь болж байдаг гэр бүлийнхэнд нь талархсанаа илэрхийлье.Ийнхүү Монгол Улсын шигшээ баг 2021 онд болсон дэлхийн аваргын тэмцээнээс 5 медаль хүртэж байсан бол энэ удаа медалийн хур буулгаж чадлаа.&nbsp;Дашрамд дурдахад академийн бүх салбарт клубүүд идэвхтэй үйл ажиллагаа явуулж байна. Мөн Монголын Спорт Өрөлтийн Холбоо сар бүр “Улсын чансаа”-ны тэмцээнийг зохион байгуулж шилдэг тамирчдад лиг, улс болон олон улсын тэмцээн уралдаануудад оролцох боломжийг олгосоор байна.&nbsp;2023.04.10

Спорт өрөлтийн Дэлхийн аваргаас 27 медаль хүртлээ

Монголын Оюун Ухааны Академиийн Дорнод салбарын хамт олон 2 дахь жилдээ санаачлан зохион байгуулж буй "ДОРНОД-2022" оюуны спортын аймгийн аварга шалгаруулах Ой тогтоолт, Түргэн бодолт, Рубик шоо, Спорт өрөлт, Кимастерийн 5 төрөлт тэмцээнийг 2022 оын 12-р сарын 10, 11, 16, 17-ны өдрүүдэд маш амжилттай зохион байгуулж шилдгүүдээ тодрууллаа. &nbsp;Тэмцээнд давтагдсан тоогоор 250 тамирчин бага нас, өсвөр ангилалд өрсөлдлөө. Оюуны спортын аймгийн аварга шалгаруулах тэмцээний оюуныг дэмжигч байгууллагаар Дорнод аймгийн Чойбалсан хотын захиргаа, ивээн тэтгэгчээр “SDY- Дорнод социал демократ залуучуудын холбоо” ажиллалаа. Тус тэмцээнийг ивээн тэтгэж дэмжиж ажилласан байгууллагууддаа нийт тамирчдынхаа өмнөөс талархсанаа илэрхийлье!&nbsp; МОНГОЛЫН ОЮУН УХААНЫ АКАДЕМИ

"ДОРНОД-2022" оюуны спортын аймгийн аварга шалгаруулах тэмцээн болж өндөрлөлөө

Дэлхийн Ой тогтоолтын Спортын Холбооноос энэ сарын 16-наас 18-ны хооронд зохион байгуулж буй 31дэх удаагийн “Ой тогтоолтын дэлхийн аварга” шалгаруулах оюуны спортын тэмцээнд манай улсыг төлөөлөнМонголын Оюун Ухааны Академийн 11-24 насны 30 тамирчин, багш дасгалжуулагч нарын хамт оролцож байна.Энэ удаагийн тэмцээнд 24 орны 500 гаруй шилдэг тамирчид харааны болон сонсголын ой тогтоолтын10 төрлөөр бага, өсвөр, насанд хүрэгчдийн ангилалд өрсөлдөж шилдгүүдээ тодруулна.Багийн бүрэлдэхүүнд:Дасгалжуулагч:ОУ-ын Шүүгч, Дасгалжуулагч Б.БаасандоржОУ-ын Шүүгч, Дасгалжуулагч Ө.СэнгэсамданТамирчид:<ol><li>ОУ-ын Их Мастер Т.Тэнүүн /2020, 2021, 2022 оны Улсын аварга/</li><li>ОУ-ын Их Мастер Б.Лхагвадорж</li><li>ОУ-ын Мастер Э.Ундрал</li><li>OУ-ын Мастер Д.Хүслэн</li><li>ОУ-ын Мастер Л.Уянга /Пицца хат брендийн элч тамирчин/</li><li>Азийн Мастер А.Должин</li><li>Н.Номин</li><li>Н.Нандин-Учрал</li><li>Б.Биндэръяа</li><li>Э.Хишиг-Эрдэнэ</li><li>Л.Азжаргал</li><li>Э.Билгүүнтөгс</li><li>Б.Мөнхтүшиг</li><li>З.Намуун</li><li>Х.Ичинхорлоо</li><li>Т.Тунгалагжаргал</li><li>Т.Мөнхжаргал</li><li>Э.Үүрийнцолмон</li><li>М.Гэгээн-Оюун</li><li>С.Цогтхишиг</li><li>Х.Хүслэн</li><li>Г.Ану</li><li>Ц.Оюун-Эрдэнэ</li><li>Ц.Номин-Эрдэнэ</li><li>Г.Гоомарал</li><li>Б.Дөлбаяр</li><li>П.Эрдэмзаяа</li><li>У.Төгс-Очир</li><li>Г.Наранцацрал</li><li>Г.Бүжинлхам</li></ol>Энэ удаагийн тэмцээн БНХАУ-д зохион байгуулагдах байсан ч ковидын хязгаарлалтаас шалтгаалан онлайнаарзохион байгуулагдаж байна.Өнгөрсөн жилийн дэлхийн аварга болсон манай багийн хувьд энэ жил амжилтаа бататгах мөн багийн дийлэнххувийг бүрдүүлж буй шинэ тамирчид маань олон улсын мастерын болзлыг хангах зорилготой бэлтгэлээ хангалаа.Дэлхийн аварга шалгаруулах тэмцээнд оролцоход шаардагдах зардлыг ивээн тэтгэж оюунлаг үйлийг дэмжиж буй“Smart Store” компанийн хамт олонд нийт тамирчдынхаа өмнөөс талархсанаа илэрхийлье.Дашрамд дурдахад өнгөрсөн хугацаанд манай баг тамирчид АНУ, Англи, Герман, Турк, Хятад, Сингапур, Япон,Солонгос, Швед, Энэтхэг зэрэг хорь гаруй улс оронд зохиогдсон ой тогтоолт, цээж бодолт, хурдан уншлага, спорт өрөлт,рубикийн шоо зэрэг оюуны спортын 60 тэмцээнээс 101 цом, 1115 медаль хүртэж Гиннес, дэлхийн олон дээд амжилтыгтогтмол шинэчлэн амжилтын буухиагаа үргэлжлүүлсээр байна.Баг тамирчдадаа амжилт хүсье!&nbsp;Монголын Оюун Ухааны АкадемийнЗахирал Х.Хатанбаатар2022.12.15

Ой тогтоолтын Дэлхийн аварга шалгаруулах тэмцээн эхэллээ

Дэлхийн Ой тогтоолтын Спортын Холбооноос энэ сарын 16-наас 18-ны хооронд зохион байгуулж буй 31 дэх удаагийн “Ой тогтоолтын дэлхийн аварга” шалгаруулах оюуны спортын тэмцээнд манай улсыг төлөөлөн Монголын Оюун Ухааны Академийн 11-24 насны 30 тамирчин, багш дасгалжуулагч нарын хамт оролцсон билээ.Ой тогтоолтын ОУ-ын Мастерын болзол хангана гэдэг бол тамирчдын хувьд хамгийн чухал, хамгийн том зорилгын нэг байдаг билээ. Энэ удаагийн дэлхийн аварга шалгаруулах тэмцээнд түүхэндээ анх удаа хамгийн олон мастер төрж байгаа билээ.Мөн анх удаа оролцсон ДАШТ-нд оролцож байгаа шинэ тамирчдаас 6 тамирчин (Г.Наранцацрал, З.Намуун, Ц.Оюун-Эрдэнэ, Ц.Номин-Эрдэнэ, Б.Дөлбаяр, Э.Үүрийнцолмон) мастерын болзлоо хангаад байна.1. Г.Наранцацрал - /Scutimind club/2. Н.Нандин-Учрал - /Megamind club/3. З.Намуун - /Wreck-it mind club/4. Ц.Оюун-Эрдэнэ - /Wreck-it mind club/5. Б.Дөлбаяр - /Deed club/6. Э.Үүрийнцолмон - /Darkhan club/7. Э.Хишиг-Эрдэнэ - /Deed club/8. Ц.Номин-Эрдэнэ - /Wreck-it mind club/Дашрамд дурдахад Дэлхийн аварга шалгаруулах тэмцээнд оролцоход шаардагдах зардлыг ивээн тэтгэж оюунлаг үйлийг дэмжиж буй“Smart Store” компанийн хамт олонд нийт тамирчдынхаа өмнөөс талархсанаа илэрхийлье.&nbsp;ШИНЭХЭН МАСТЕРУУДДАА ХАЛУУН БАЯР ХҮРГЭЕ!

8 тамирчин Олон улсын мастер цолны болзол хангалаа

Ой тогтоолтын ОУ-ын Мастерын болзол хангана гэдэг бол тамирчдын хувьд хамгийн чухал, хамгийн том зорилгын нэг байдаг билээ. Энэ удаагийн дэлхийн аварга шалгаруулах тэмцээн анх удаа оролцсон тамирчдаас 4 тамирчин (Э.Ундрал, Д.Хүслэн, Ц.Эмүжин, Л.Уянга) мастерын болзлоо хангаад байна.<ol><li>Ш.Наранбат - Улсын аварга /бага нас/</li><li>Э.Ундрал</li><li>Д.Хүслэн - Улсын аварга /бага нас/</li><li>Ц.Эмүжин</li><li>Л.Уянга</li></ol>-Ш.Наранбат маань 4 дэх дэлхийн аваргадаа оролцож энэхүү болзлоо хангалаа. Түүний хувьд бага насандаа улсын аварга, ази тивийн аварга, дэлхийн аваргаас медаль хүртэж байсан ч цолны болзлоос хэдхэн цифрээр дутаж байсан бол энэ удаад өндөр үзүүлэлт үзүүлэн мастер боллоо.&nbsp;-Э.Ундрал маань олон улсын нээлттэй тэмцээн болон улсын аварга шалгаруулах тэмцээндээ амжилттай оролцож медаль хүртэж байсан тэрээр анх удаа ДАШТ-нд оролцон цолны болзлоо хангалаа.-Д.Хүслэн түргэн бодолтын улсын болон олон улсын тэмцээний аварга тэрээр ой тогтоолтын спортоор хичээллэн бага насны ангилалд 2 удаагийн аварга улсын аварга болсон бөгөөд анх удаа ДАШТ-нд оролцож бага насандаа мастерын болзол хангаж буй монгол улсын 3 дахь тамирчин болж байна.&nbsp;-Ц.Эмүжин Дархан-Уул аймгийн тамирчин улс болон олон улсын тэмцээндээ амжилттай оролцож медаль хүртэж байсан бол энэ удаад ДАШТ-нд маш сайн оролцон мастерын болзлоо хангалаа.-Л.Уянга "Пицца хат" брэндийн тэтгэлэгт хөтөлбөрт хамрагдаж амжилттай суралцан тус брэндийн элч тамирчин болоод удаагүй байгаа бөгөөд ДАШТ-нд анх удаа оролцож цолны болзлоо хангаад байна.&nbsp;ШИНЭХЭН МАСТЕРУУДДАА ХАЛУУН БАЯР ХҮРГЭЕ!

5 тамирчин Олон улсын мастер цолны болзол хангалаа

Дэлхийн ой тогтоолтын спортын холбооноос зохион байгуулж буй 30 дахь удаагийн “Ой тогтоолтын дэлхийн аварга” шалгаруулах тэмцээнд манай улсыг төлөөлөн Монголын Оюун Ухааны Академийн 10-24 насны 19 тамирчин, хоёр дасгалжуулагчийн хамт оролцоно.Тус тэмцээнд 20 орны 600 гаруй шилдэг тамирчид харааны болон сонсголын ой тогтоолтыг шалгасан 10 төрлөөр өрсөлдөж гурван насны ангилалд аваргуудаа тодруулах юм.Багийн бүрэлдэхүүнд:Дасгалжуулагч:ОУ-ын Шүүгч, Дасгалжуулагч Б.БаасандоржОУ-ын Шүүгч, Дасгалжуулагч Ө.СэнгэсамданТамирчид:<ol><li>&nbsp;ОУ-ын Их Мастер Н.Мөнхшүр /2017 оны Дэлхийн аварга, Гиннесийн рекорд эзэмшигч/</li><li>&nbsp;ОУ-ын Их Мастер Н.Энхшүр /Гиннесийн рекорд эзэмшигч/</li><li>&nbsp;ОУ-ын Их Мастер Т.Тэнүүн /2020, 2021 оны Улсын аварга/</li><li>&nbsp;Азийн Мастер Ш.Наранбат</li><li>&nbsp;Б.Энхлүүн /Оюуны Олимпын мөнгөн медальт/</li><li>&nbsp;Э.Ундрал</li><li>&nbsp;Ц.Эмүжин</li><li>&nbsp;Н.Номин</li><li>&nbsp;У.Мөнхцолмон</li><li>&nbsp;Н.Нандин-Учрал</li><li>&nbsp;Э.Хишиг-Эрдэнэ</li><li>&nbsp;Л.Азжаргал</li><li>&nbsp;Л.Уянга /Пицца хат брэндийн элч тамирчин/</li><li>&nbsp;М.Мөнхсүрэн</li><li>&nbsp;Б.Эрмүүн</li><li>&nbsp;Д.Хүслэн</li><li>&nbsp;Э.Билгүүнтөгс</li><li>&nbsp;Б.Мөнхтүшиг</li><li>&nbsp;Б.Хангал</li></ol>Энэ жилийн тэмцээн цар тахлын нөхцөл байдлаас хамаарч улс бүрийн тамирчид эх орноосоо онлайнаар оролцож байгаа бөгөөд олон улсын шүүгч нар тэмцээнийг албан ёсоор баталгаажуулж дүнг нэгтгэх юм.Тэмцээнийг зохион байгуулах газраар ивээн тэтгэж оюунлаг үйлсийг дэмжиж буй International University Of Ulaanbaatar (Олон Улсын Улаанбаатар Их Сургууль)-н удирдлагууд болон нийт хамт олонд баярласан талархсанаа илэрхийлье.Өнгөрсөн 11 жилийн хугацаанд манай баг тамирчид Америк, Англи, Герман, Турк, Хятад, Сингапур, Япон, Солонгос, Швед, Энэтхэг зэрэг олон оронд зохиогдсон цээж бодолт, хурдан уншлага, ой тогтоолтын 58 оюуны спортын тэмцээнээс нийт 1077 медаль хүртэж нас насны ангилалд дэлхийн олон дээд амжилтыг тогтмол шинэчлэн амжилтын буухиагаа үргэлжлүүлсээр байна.Баг тамирчдадаа амжилт хүсье!Монголын Оюун Ухааны Академийн захирал,Олон улсын шүүгч Х.Хатанбаатар2022.01.21

Ой тогтоолтын Дэлхийн аварга шалгаруулах тэмцээнд оролцоно

Энэ удаагийн ярилцлагаар бид хүүхдийн боловсролын салбарт контент хөгжүүлж түгээн дэлгэрүүлж буй Д.Баяраатай ярилцлаа. Монголын Оюун Ухааны Академи Франчайз бизнес загвар луу шилжсэнээр тэрээр Яармаг салбарыг үүсгэн байгуулж сургалтаа явуулж буй. Мөн тэрээр Монголын Оюун Ухааны Академид контент менежерээр ажиллаж байна.&nbsp;Та монголын оюун ухааны академитай хэрхэн холбогдсон бэ? Яаж карьераа эхлүүлж байв?Монголын Оюун Ухааны Академид анх бага насны хүүхдэд зориулсан Хуруундай хөтөлбөрийн багшаар ажилд орж байлаа. Хамгийн гэгээлэг ертөнц болох хүүхдүүдтэй ажилладаг, тэднийг хөгжүүлдэг ажилдаа дурлаж, эх орныхоо ирээдүйг улам сайхан болгохоор хичээн ажиллаж буй хамт олноороо бахархаж, суралцсаар л өдийг хүрч байна даа.&nbsp;Таны ажлын хамгийн сайхан зүйлс нь юу байдаг вэ?Ажлынхаа өдөр бүрийг үр бүтээлтэй байлгаж, гоё хэрэгтэй зүйлс хийхсэн гэж хичээдэг. Би одоо хүүхдүүдтэй ажиллахаа болиод, багш нартаа зөвлөн тусалж, оюуны хөгжлийн олон талт сургалтуудаа илүү чанартай, үр дүнтэй байлгах тал дээр багийнхантайгаа хамтран ажиллаж байгаа. Бид мөн бүх насны хүмүүсийн тархины хөгжлийг дэмжих, гэр бүлээрээ хөгжилтэй, чанартай цагийг хамтдаа өнгөрүүлэнгээ суралцаж болохоор ном, бүтээгдэхүүнүүдээ илүү олон төрөлжүүлж, илүү хүртээмжтэй болгохоор судалгаа хөгжүүлэлтийн ажлуудаа хийж байна. Ажлын хамгийн сайхан зүйлс гэвэл бидний хийсэн бүтээсэн зүйлүүдээр хүүхдүүд, хүмүүс суралцаж, үр дүн гаргаж байгааг харах л маш сайхан байдаг.&nbsp;Контент дээр нэлээн сууж ажилладаг юм шиг байна. Хүүхдэд өгөх агуулга, сургалтын хөтөлбөр нь насанд хүрэгчдээс ялгаа нь юу байдаг юм бол?Хүүхдүүдийн хувьд насны онцлогоосоо шалтгаалаад насанд хүрэгчдээс илүү сониуч, илүү идэвхтэй байдаг. Тархи нь томчуудаас илүү хурдан, уян хатан байгаа учраас шинэ зүйл сурахад бэрхшээл бага гардаг. Тийм үед нь хоёр тархины тэнцвэртэй хөгжлийг дэмжиж, суралцах арга барилд сургаж, анхаарлаа төвлөрүүлэн, бүтээлчээр сэтгэдэг болгох нь л бага насны хүүхдүүдэд гол чухал чадвар байдаг. Энэ нь цаашдаа насан туршид нь хэрэгтэй суурь чадварууд учраас бид тэдгээр чадваруудыг эзэмшүүлэх, хөгжүүлэхэд чиглэсэн сургалт, контентууд хийхийг зорьж ажилладаг.&nbsp;Эцэг эхчүүдийн нийтлэг санаагаа чилээдэг тулгамдсан асуудал юу байдаг вэ?Эцэг, эх байна гэдэг маш хариуцлагатай ажил. Бүх хүн үр хүүхдээ сайн яваасай, аз жаргалтай амьдраасай л гэж хүсдэг. Тэгэхээр санаа зовоодог асуудлууд төдий чинээгээрээ маш их бий. Үүнтэй хүн бүр санал нийлэх байх. Хүүхэд нь хэдэн настай вэ гэдгээсээ шалтгаалаад тухайн цаг хугацаа бүрд тулгамдсан асуудлууд гарч ирдэг. Жишээ нь цэцэрлэгийн насны хүүхдээ яаж анхаарлыг нь төвлөрүүлж сууж сургах вэ гэж хүмүүс их асуудаг, сургуулийн бага ангийн хүүхдүүдтэй эцэг эхчүүдийн хувьд хичээлд нь яаж дуртай болгох вэ, үсэг тоо, цаашлаад хүрд яаж цээжлүүлэх вэ гэж их асууж байх жишээтэй.&nbsp;Хүүхдүүдэд богино хугацаанд үр дүн гаргах ямар хөтөлбөрүүд байдаг вэ?Богино хугацаанд үр дүн гаргана гэдэг нь ч бас ярилцах хэрэгтэй асуудал байдаг. Монгол эцэг, эхчүүдийн хувьд хүүхдээ хөгжүүлэх сургалтад өгөхдөө манай хүүхэд яг юу сурах вэ? Хэзээ үр дүн гарах вэ? гэж их асуудаг. Уг нь хүүхдийн хөгжил гэдэг зүйл тодорхой цаг хугацаа шаардаж тууштай байж үр дүн гардаг, дадал зуршил болдгоос гадна хүүхдийн гэр бүлээс хүүхдэдээ хандуулж буй анхаарал халамж, дэмжлэг ч мөн багшийн зааж байгаа хичээл сургалттай адилхан чухал нөлөө үзүүлдэг. Хүүхдийн хөгжил бол хүүхэд, эцэг эх, багш гурвын хамтын ажиллагаа байдаг гэсэн үг. Дан ганц хичээл сургууль, багшид найдаж хүүхдээ даатгаж болохгүй. Хүүхдийн хөгжил, төлөвшилд гэр бүлийн харилцаа хандлага чухал нөлөөтэй. Монголын Оюун Ухааны Академиас хэрэгжүүлдэг оюуны хөгжлийн олон талт хөтөлбөрүүдийн хувьд яг богино хугацаандаа үр дүн гаргадаг, сурсан зүйл нь шууд харагддаг сургалтуудын нэг гэвэл хүрд цээжлүүлэх сургалтыг нэрлэж болно, хүрдийг нь ой тогтоолтын аргаар хөгжилтэй төсөөлөл яриад цээжлүүлдэг.&nbsp;Хүрд цээжлэх нь хүүхдүүд нэлээн их цагаа зориулдаг хүндхэн асуудал байдаг. Энэ талаар эцэг эхчүүдэд өгөх зөвлөгөө юу байна? Яаж үр дүнтэй хүүхдэд хүрд цээжлүүлэх вэ? Товчхон зөвлөгөө өгвөлХүүхдүүдэд сурагч болоод тулгардаг асуудлуудын нэг бол яах аргагүй хүрд цээжлэх байдаг. Хүрд гэдэг чинь уг нь тоог хурдтай л нэмэх арга шүү дээ. Тоо гэдэг нь өөрөө хийсвэр зүйл учраас цээжлэхэд маш хэцүү байдаг. Томчуудад ч гэсэн утасны дугаар, дансны дугаар гэх мэт цээжлэх шаардлагатай тоон мэдээллийг цээжлэхэд төвөгтэй байдаг. Тэрэнтэй адилхан хүүхдэд долоог наймаар үржээд 56 гарахыг автоматаар цээжилнэ гэдэг нь хэцүү. Бид энэ асуудлыг шийдэхийн тулд тоог нь төсөөлж харж болох дүрстэй адилтгаж заагаад, хүүхэд ердөө хөгжилтэй үлгэр үйл явдал сонсоод л хүрдээ цээжлэх боломжтой болгосон гэсэн үг. Энэ нь тархины ажиллагаанд тохирсон дэвшилтэт арга учраас хүүхдэд огтхон ч хэцүү биш, харин ч аз жаргалтайгаар суралцдаг.&nbsp;Ебс-д ордог хөтөлбөрүүд дээр өөрчилчихмөөр санагддаг зүйлс байдаг уу?Олон байдаг. Хүүхдүүдийн ойлгоход цээжлэхэд хэцүү сурахдаа дургүй болгодог зүйлсийг нь тархины бүтэц онцлогт нь тохирсон гоё арга аргачлалаар зааж бүх хүүхдүүдийг хичээлдээ дуртай, сурахдаа дуртай болгох юмсан гэж их хүсдэг.&nbsp;Цаашид монголын оюун ухааны академи хөтөлбөрийн хувьд ямар өөрчлөлт шинэчлэлтүүдийг хийх вэ?Манай байгууллага 2010 оноос хойш Монгол хүний оюуны чадамжийг хөгжүүлэх замаар Монгол улсын хөгжил дэвшилд иргэн бүрийн оролцоог нэмэгдүүлэх, оюуны спортыг эх орондоо хөгжүүлж дэлхийд үнэлэгдэх оюуны спортын тамирчдыг бэлтгэнэ гэсэн эрхэм зорилготойгоор үйл ажиллагаагаа явуулж түүндээ ч тодорхой хэмжээнд хүрч яваа. Бид энэ эрхэм зорилгоосоо гажилгүй оюунлаг, хүнлэг иргэд бэлтгэхэд хувь нэмрээ оруулахаар судалгаа хөгжүүлэлтийн ажлаа тасралтгүй хийж, сургалт, бүтээгдэхүүнүүддээ шинэчлэлт, сайжруулалтыг тогтмол хийсээр байх болно.&nbsp;Баярлалаа, эцэг эхчүүдэд хэрэгтэй үнэ цэнтэй мэдээлэл өгсөнд баярлалаа, таны ажилд улам их амжилт хүсье.

Хүүхэд ердөө хөгжилтэй үлгэр, үйл явдал сонсоод л хүрдээ цээжлэх боломжтой

“Мастер Майнд” ХХК нь “Японы зах зээлд зориулсан аппликейшний нэмэлт хөгжүүлэлт хийх” болон “Японы зах зээлд зориулсан аппликейшнд япон үгсийг тайлбарласан мнемоник тайлбар бүхий контент хөгжүүлэлт хийх ажил” эрх бүхий тендерийн гүйцэтгэгчийг сонгон шалгаруулах тул сонирхсон этгээдийг үнийн саналыг цахимаар ирүүлэхийг урьж байна.Тендерийн баримт бичгийг (хүсвэл нэмэлт хувийг) үнэ төлбөргүйгээр татан авах боломжтой ба тендер нь түүнийг нээсэн өдрөөс эхлэн 10 хоногийн дотор хүчинтэй байна.Ажлын даалгавартай холбогдолтой нэмэлт мэдээллийг contact@mastermind.mn лавлаж болно.Утас: 7000-2266, 8002-2266

Тендерийн урилга

Монголын Оюун Ухааны Академиас санаачлан зохион байгуулж буй <a href="https://www.pizzahut.mn/">“Pizza Hut”</a> брэндийн нэрэмжит “Ой тогтоолтын улсын аварга-2021” оюуны спортын аварга шалгаруулах 11 дэх удаагийн тэмцээн өнгөрсөн амралтын өдрүүдэд амжилттай явагдаж өндөрлөлөө. Тэмцээнд Улаанбаатар хот болон Дархан-Уул, Орхон, Дорнод аймгуудаас шалгарсан шилдэг 72 тамирчин харааны болон сонсголын ой тогтоолтыг шалгасан 10 төрлөөр бага нас, өсвөр, насанд хүрэгчдийн ангилалд өрсөлдсөн юм. Олон улсын цолтой 10 тамирчин оролцсон нь тэмцээнийг өрсөлдөөнтэй болголоо.Хоёр өдөр үргэлжилсэн оюуны өрсөлдөөний үеэр бүх насны ангилалд давтагдсан тоогоор улсын таван дээд амжилт болон дэлхийн нэг дээд амжилт тус тус шинэчлэгдлээ. Тухайлбал, 15 минутын "Тооны марафон" төрөлд 1168 цифр байсан Хятадын тамирчны дэлхийн дээд амжилтыг ОУ-ын Их Мастер Т.Тэнүүн 1260 цифр болгон шинэчиллээ.Энэ жилийн улсын аваргын “Бага нас”-ны ангилалд 2020 оны Улсын аварга Д.Хүслэн (2580 оноо), “Өсвөр”-ийн ангилалд Азийн Мастер Ш.Наранбат (5464 оноо), “Насанд хүрэгчид”- ийн ангилалд ОУ-ын Их Мастер Т.Тэнүүн (7322 оноо) нар тус тус тэргүүлж цом хүртлээ.Харин тэмцээний 10 төрлийн нийлбэр оноогоор нийт тамирчдаа тэргүүлэн 2021 оны “Улсын аварга”-аар ОУ-ын Их Мастер Т.Тэнүүн (7322 оноо) тодорч аваргын цом, медаль, 1 сая төгрөгийн мөнгөн шагнал хүртсэн юм. Нийлбэр дүнгээр дэд байрт 2017 оны Өсвөрийн Дэлхийн аварга, Гиннесийн рекордыг эзэмшигч, ОУ-ын Их Мастер Э.Лхагвадулам (6133 оноо) шалгарч 750,000 төгрөг, гутгаар байрт Оюуны олимпийн мөнгөн медальт, ОУ-ын Их Мастер Э.Пүрэвжав (6066 оноо) шалгарч 500,000 төгрөгийн мөнгөн шагналыг тус тус хүртлээ.Тэмцээний ерөнхий ивээн тэтгэгчээр оюуныг дэмжигч “Pizza Hut” брэнд ажилласан ба тус брэнд нь 2019 оноос Монголын Оюун Ухааны Академитай хамтран "Бид ирээдүйн ой тогтоолтын тамирчид" тэтгэлэгт хөтөлбөрийг хэрэгжүүлэн 20 хүүхдийг сургаж энэхүү тэмцээнд оролцох боломжийг олгосон юм. Эдгээр суралцагчдаас оноогоор тэргүүлсэн Л.Уянга нь “Pizza Hut” брэндийн “Элч тамирчин” болж түүний олон улсын тэмцээнд оролцох зардлыг цаашид бүрэн хариуцахаар боллоо.Тэмцээнийг амжилттай зохион байгуулахад үнэтэй хувь нэмэр оруулж оюунлаг үйлсийг ивээн тэтгэсэн, оюуныг дэмжигч байгууллага “Таван богд фүүдс пицца” компанийн хамт олонд талархсанаа илэрхийлье.Мөн зохион байгуулах багт ажилласан сайн дурын ажилтнууд, нийт тамирчид, академийн орон нутгийн салбарын удирдлагууд, багш, сурган хүмүүжүүлэгчид, үргэлж ар тал нь байж дэмжиж тусалдаг тамирчдынхаа гэр бүлийнхэнд сайн сайхан бүхнийг хүсэн ерөөе!Ийнхүү өнгөрсөн 11 жилийн хугацаанд манай хамт олон оюуны спортын олон төрлөөр нийт 102 тэмцээнийг амжилттай зохион байгуулж давтагдсан тоогоор 16,000 гаруй тамирчдыг бэлтгэн оролцуулжээ. Мөн Англи, Америк, Япон, Солонгос, Хятад зэрэг дэлхийн 20 гаруй улсад зохион байгуулагдсан 59 олон улсын тэмцээнд тамирчдаа бэлтгэн оролцуулж 96 цом, 1082 медаль хүртэж, гиннес, дэлхийн олон дээд амжилтыг шинэчлэн тогтоосоор байна.Сэтгэхүйн хурдыг танд эзэмшүүлж Оюуны хүрдийг дэлхийд таниулна!МОНГОЛЫН ОЮУН УХААНЫ АКАДЕМИ

Ой тогтоолтын улсын аварга тодорлоо 

Найман настай хүүхдүүд&nbsp;өөртөө&nbsp;илүү итгэлтэй болж, өөрийгөө&nbsp;илүү их таньж мэдэх болно.&nbsp;8 настайдаа хүүхэд&nbsp;юунд дуртай ямар зүйл&nbsp;сонирхлыг&nbsp;нь татдаг өөрийгөө яаж&nbsp;хөгжүүлмээр&nbsp;байгаа, өөрийн&nbsp;дуртай&nbsp;болон&nbsp;дургүй&nbsp;зүйлээ чөлөөтэй илэрхийлдэг болно.Үүний зэрэгцээ, энэ насны хүүхдүүд&nbsp;орчлон ертөнцийн&nbsp;талаар ихийг&nbsp;таньж мэдэж, бусадтай харилцахдаа эцэг эхээс хамаарал багатай чөлөөтэй харилцдаг. Тэд гэр бүлдээ туслах, хариуцлага хүлээх, үүрэг авах насанд хүрсэн байдал тул та хүүхдэдээ тохирсон ажил өгч, үүрэг хариуцлагын талаар ойлгуулж таниулж байх нь чухал. Жишээ нь: хүүхдүүд сайн ах, эгч эсвэл дүү байх талаар сурах болно.Энэ насанд тэдний хүсдэг, мэдэрдэг зүйлс<ul><li>Эцэг эх, гэр бүлээсээ илүү бие даасан байдлыг&nbsp;илүүд үзэж&nbsp;эхэлнэ.</li><li>Ирээдүйн талаар бодож эхэлнэ.&nbsp;Хийх дуртай зүйл хийхийг хүсдэг зүйлээ төлөвлөж бодож эхэлдэг</li><li>Өөрийн байр суурийн талаар илүү ихийг мэдэрдэг.</li><li>Найз нөхөдтэй&nbsp;болж, багаар ажиллахад илүү их анхаарал&nbsp;хандуулж суралцана.</li><li>Найзууддаа нөлөөлж,&nbsp;таалагдахыг&nbsp;хүсдэг&nbsp;болно.</li></ul>8 настай хүүхдүүд эцэг эхийнхээ гаргаж буй үйл хөдлөл, зан араншинд нухацтай хандаж эхэлдэг. Таныг илүү их&nbsp;анзаарч&nbsp;эхэлдэг гэсэн үг. Яагаад&nbsp;уурласан, юунд баярлаж байгааг, хүмүүстэй хэрхэн харилцаж, хэрхэн нийгмийн харилцаанд орж, бусдад ямар үлгэр&nbsp;дууриалал&nbsp;болж байгаа зэргийн анзаарч эхэлдэг байна. Энэ үед эцэг эхчүүд бол тэдний тусгал болох тул таны хувьд сайн үлгэр&nbsp;дууриалал&nbsp;үзүүлэх нь чухал юм.Энэ үед хүүхдээ зөв чиглүүлэх нь эцэг эхчүүдэд маш чухал. Та бол тэдний сайн&nbsp;ментор, зөвлөгч байх үе ирсэн тул шууд буруутгах, эсвэл хий хоосон магтаал хэлэхийг оронд тэдний үйлдэлд нь анхаарч хичээл зүтгэлийг нь бодитоор&nbsp;үнэлж&nbsp;бас шийтгэх зарчимтай болох нь зөв юм. Жишээ нь: Гэрийн&nbsp;даалгавраа&nbsp;сайн хийгээд дууссан үед 1 цаг дуртай зүйлээ хийх цаг гаргаж&nbsp;өгөх, Буруу зүйл хийсэн үед нь дуртай зүйлээ хийх цагийг нь багасгах зэрэг тухайн гэр бүл өөрт таарах зарчмуудаа тохирч тэднийг хүсэл зорилго&nbsp;руу&nbsp;нь хөтлөх тал дээр анхаараарай.8 настай хүүхдэд санхүүгийн тодорхой боловсролыг олгож эхлэх хэрэгтэй. Тэдэнд мөнгөний тухай ойлголтыг өгч, хуримтлал үүсгэх, сайн зүйл хийсний төлөө шагнах, зарим зүйлийг дэлгүүрээс хэрхэн, хэдэн төгрөгөөр авдаг талаар сонирхуулж өөрөөр нь&nbsp;авахуулж&nbsp;болох юм.Оюуны&nbsp;хөгжилЭнэ насны хүүхэд&nbsp;мөн л 10-11 цаг унтах шаардлагатай, нойрондоо сайн байх нь чухал.&nbsp;Найман настай&nbsp;хүүхдүүд оюуны хөгжил нь өсөх шатандаа&nbsp;явж байгаа. Тэдний анхаарлаа төвлөрүүлэх хугацаа нь илүү&nbsp;урт&nbsp;болж эхэлдэг. Тархины үйл ажиллагаа нь&nbsp;нэг цагт эсвэл түүнээс дээш хугацаанд төвлөрүүлж чадна гэж бодож болно. Найман настай хүүхдүүд илүү төвөгтэй&nbsp;зүйлс, боловсронгуй үг хэллэг, хэлний ур чадварыг ашиглан илүү их&nbsp;нарийн зүйлийг&nbsp;сэтгэн бодох чадвартай болно.&nbsp;Монголын оюун ухааны академи 8 настай хүүхдүүдэд зориулсан оюуны хөгжлийн олон талын хөтөлбөрүүд явуулж байгаа. Та манай сургалтын хэсгээс сонирхоод үзээрэй.Хүүхдийн нийгмийн&nbsp;хөгжилЕрөнхийдөө 8 настай хүүхдүүд сургуульдаа сэтгэл хангалуун байдаг бөгөөд цөөхөн хэдэн&nbsp;хүүхэд, ангийнхантайгаа&nbsp;илүү дотно нөхөрлөдөг.&nbsp;Хэрвээ таны хүүхэд бусдаас өөр бол яах вэ?&nbsp;Зарим эцэг эхчүүд хүүхдээ бусдаас өөр байгаад бага зэрэг санаа зовж эхэлдэг. Жирийн хүүхэд гэдэг ойлголт нь дэлхийн нийтийн соёл, ялгаатай байдлаас хамаараад бидний дунд өөр өөрөөр хэмжигдэх хэмжүүр юм. Хамгийн түрүүнд санах ёстой зүйл бол тэр хэмжүүрт хүүхдээ тааруулах гэж хичээх хэрэггүй гэж зөвлөе.&nbsp;Хүүхэд&nbsp;бүр&nbsp;төгс төгөлдөр хэв маягтай таарахгүй, хүүхэд бүр өөрийн хувийн сорилт, давуу тал, сорилттой&nbsp;тулгарч ур чадварыг&nbsp;алхам тутамдаа&nbsp;эзэмших болно.&nbsp;Хэрвээ та хүүхдээ чадвартай, ямар нэг зүйлд онцгой гойд гэж үзэж байгаа бол хүүхдийнхээ багш болон мэргэжлийн хүмүүст хандаж болно.&nbsp;Магадгүй сэтгэл зүйн&nbsp;асуудал&nbsp;байгаа гэж бодож байгаа бол манай хүүхэд угаасаа дуугүй гэж&nbsp;бодохоос&nbsp;илүүтэйгээр мэргэжлийн хүмүүсээс зөвлөгөө аваарай.

8 настай хүүхдийн онцлог ба оюуны хөгжил

Энэ хичээлийн жилээс манай академийн бизнес модель өөрчлөгдөн франчайз салбарууд ар араасаа нээгдэж эхлээд байгаа билээ. Тэгвэл Монголын оюун ухааны академийн франчайзийг сонгох хэд хэдэн шалтгааныг та бүхэнд хүргэж байна.<ol><li>Нэр хүнд: Сургалтын салбартаа тэргүүлж, хэрэглэгчдэд хэдийнээ үнэлэгдэж хүлээн зөвшөөрөгдсөн брэнд</li><li>Шинэлэг байдал: Зах зээл дээр жилээс жилд өргөжин тэлж боловсролын салбарт үргэлж шинэ арга барил, инновацийг нэвтрүүлж чаддаг.</li><li>Туршлагатай баг: Фрайнчайзийн тэргүүлэгч, туршлагатай мэргэжлийн хамт олны дэмжлэг, зөвлөгөөнд тулгуурлан бизнесийн үйл ажиллагаагаа найдвартай явуулж чадна.</li><li>Маркетинг: Брэндийн хүч, нөлөөллийн маркетинг, хүчирхэг платформын тусламжтайгаар мянга мянган үйлчлүүлэгчдийг татаж чадсан учраас энэ бизнест 100 хувийн ашигтайгаар ажиллах боломж таны өмнө нээлттэй.</li><li>Стандарт: Франчайз хариуцсан менежер салбарт зочилж сургалтын стандарт, салбарын үйл ажиллагаанд хяналт тавин зөвлөгөө өгч ажилладаг.</li><li>Бизнес дэмжлэг: Таны сонгосон байршилд хэрхэн ямар заавраар засвар үйлчилгээ хийх талаар зөвлөгөө мэдээлэл өгнө. Брэндийн нэгдсэн нэг бодлого барьж, бизнесийг дэмжин ажиллана.</li><li>Тогтмол сургалт: Бизнесийн болоод үйл ажиллагааг дэмжих стандарт сургалтуудаар тогтмол дэмжин ажиллах болно. Хэрвээ та орон нутагт Монголын Оюун</li></ol>Ухааны Академийн франчайз салбар нээх талаар сонирхож байвал бидэнтэй холбогдоорой.И-мэйл хаяг: <a href="mailto:support@mastermind.mn">support@mastermind.mn</a> хаягаар холбогдоорой.

Франчайз салбар нээх 7 шалтгаан

7 настнууд аливаа юмс үзэгдлийг ойлгох таних гэсэн төрөлхийн сониуч зантай байдаг. Тэд бол байгалийн шинэчлэх ухааны судлаач, шинжээчид бөгөөд яагаад тэнгэр цэнхэр байдаг вэ, хүүхэд хаанаас ирдэг вэ гэх мэт зүйлийг байнга асуудаг. Энэ насанд тэд өөрийгөө бусдад харуулах хүсэл эрмэлзлээр дүүрэн байдаг. Өөрийн чаддаг зүйлээ найзууд болон багшдаа харуулах, мэдлэгээ хуваалцахдаа маш их бахархдаг бөгөөд өөрөөсөө бага насны хүүхдүүдэд эзэмшсэн чадвараа харуулах дуртай. 7 настай хүүхдийн хувьд сурагч байхын учрыг сайн мэддэг болсноор сургуульдаа явах хүсэл илүү төрөх болно. Тоо бодох, унших үндсэн чадварыг эзэмшихдээ бахархаж эхлэх бөгөөд гэр бүл, найз нөхөд, дүү нартайгаа сурч мэдсэн зүйлээ ярилцахыг хүсдэг. Энэ үед эцэг эхчүүд хүүхдүүддээ урам өгч уншиж, бичих чадварыг нь зөв үнэлж чиглүүлж өгвөл хүүхдийн хөгжилд маш сайн.<h4>Сэтгэлзүйн хөгжил</h4>Энэ үед хүүхдүүд найз нөхөдтэйгөө тоглох дуртай байдаг, гэхдээ зарим хүүхдийн хувьд шинээр сурсан зүйлдээ илүү анхаарч ном уншихад, зураг зурах гэх мэт зүйлсэд илүү их цаг зарцуулах хандлагатай болж магадгүй юм. Энэ үед эцэг эхчүүд тодорхой цаг гаргаж хүүхдүүдтэй тоглох нь хүүхдийн өөрийгөө хөгжүүлэх мэдрэмж, бусадтай харилцах харилцааг хөгжүүлэх нэн чухал хэсэг болж өгдөг. Анхнаасаа нээлттэй байж хүүхэдтэйгээ харилцахад цаг гаргаж чадвал өсөж томорсон хойноо ч хүүхдүүд эцэг эхтэйгээ нээлттэй болж үлддэг. Хүүхдийн энэ үеийн хөгжлийн сул тал бол үе тэнгийнхний дарамтад өртөмтгий байдал тул багш эцэг эхчүүд анхаарч байх хэрэгтэй. Тэд мөн өрөвдөх сэтгэл, ёс суртахуун, шударга ёсны мэдрэмжээ хөгжүүлэх болно. Ихэнх 7 настнууд өөрсдийгөө хэн нэгний оронд тавьж, бодох чадвартай байдаг. Гэхдээ энэ насанд хэрүүл маргаан, гомдох зүйлс хүүхдүүдэд гарсаар байдаг. 7 настнууд сэтгэл хөдлөлөө, яланryяа олон нийтийн дунд илүү сайн удирддаг. Тэд бусад хүмүүсийн бодол санааг илүү анхаарч эхлэх болно.<h4>Эцэг эхчүүдийн гаргадаг нийтлэг 4 алдаа.</h4>Хүүхдийн хичээл хийлгэнэ гэдэг зарим эцэг эхчүүдийн хувьд нэлээн том асуудал байдаг. Тэгвэл хичээл хийлгэхдээ дараах алдааг бүү гаргаарай.<ul><li>Өөр хүүхэдтэй бүү харьцуул, хэн нэгний бага настай ч мөн бүү харьцуул. Ихэнх хүүхдүүд бусадтай харьцуулагдахдаа би тэр хүүхэд шиг сайн болох хэрэгтэй гэж боддоггүй тул хүүхдийг хичээлд эсвэл өөр хүүхдэд улам дургүй болгох хандлагатай болдог.</li><li>Буруу шийтгэл нь хүүхдийг өөртөө илтгэлгүй болгодог. Муу хүүхэд байна биш одоо хийж байгаа үйлдэл болон сонголт нь муу байна гэж хэл. Яасан хэцүү хүүхэд бэ? биш одоо гаргаж байгаа ааш чинь хэцүү байгааг хэл. Аливаа үгийн сонголтууд нь хүүхэд рүү биш үйлдэлд чиглэсэн байх нь чухал юм.</li><li>Ямар ч алдааг засахдаа эхлээд сайн чаддаг зүйлийг нь хэл. САЙН ТАЛ дараа нь САЙЖРУУЛАХ ЗҮЙЛС. Хүүхдийн алдаа тутагдлын хэлэх бүрдээ санаж яв. Шууд л чи энэ үсгийг муухай бичсэн байна гэхээс илүү. Энэ тоонууд их гоё болсон байна. Одоо энэ үсгийг гоё бичвэл багш чинь, өвөө эмээ чинь хараад баярлана даа, гэх мэтчилэн байдлаар алдааг засах байдлаар хичээл хийлгүүлээрэй.</li><li>Хичээл хийх нөхцөл бүрдээгүй үед бүү хийлгэ. Хүүхдүүд өөр зүйлсэд сатаарсан үед эцэг эхчүүд хичээл хийлгэх хандлагатай байдаг. Тогтсон цагт зурагтаа унтраа, утсаа хаа, хэт удаан биш нэг удаадаа 30 минутаас хэтрүүлэхгүйгээр суулгаарай.</li></ul><h4>Биеийн хөгжил</h4>7 настай хүүхдүүдийн хувьд бие бялдрын хөгжил нь илүү боловсронryй болно. Хөдөлгөөний чадвар нь илүү сайжрахын хэрээр тэд өндөр болдог. Энэ насны хүүхдүүдийн тэнцвэртэй байдлыг хөгжүүлж, бүжиглэх хөдөлгөн хийлгээрэй. Тэд хосолсон хөдөлгөөн хийж сурна. Бие бялдрын хувьд илүү идэвхтэй байх тусам эдгээр чадварууд хурдан хөгждөг. Ер нь сургуулийн насны хүүхдүүд огцом өсөж эхэлдэг. Харин 7 настай хүүхдүүд аажмаар томрох болно. Тэд жилд дунджаар 5-6 см өндөр болдог байна. 7 настай хүүхдүүдийг гэрийн ажилд туслуулж сургаарай. Жишээ нь тэд ороо хураах, засах, шал цэвэрлэхэд туслах, тоос соруулах гэх мэт нарийн хөдөлгөөн багтай ажлуудыг хийлгэж болно. 7 настай хүүхдийн хэлний хөгжил хурдацтай явагддаг. Үгсийн сан нэмэгдэж, хэл авиа нь илүү ойлгомжтой цэгцтэй болдог байна. Хэрвээ бөөрөнхий хэлтэй бол эмчээс зөвлөгөө авч авиа зүйн нэмэлт дасгал өглөө оройдоо хийж болно.<h4>Зөвлөгөө</h4>7 настай хүүхдийн математикийн ур чадварыг өдөр тутмын амьдралд нэвтрүүлж, гал тогоонд, аялал зугаалгаар, тэр ч байтугай хүнсний дэлгүүрт зугаатай аргаар тоо бодуул. Лангуун дээр хэдэн ундаа эсвэл алим байна гэх мэтээр алхам тудамдаа хичээлийг хөгжилтэй аргаар хийлгэж болно. Хүүхдүүд утсаар тоглох дуртай байдаг. Иймд гар утас дээр байдаг математикийн зарим онлайн тоглоомуудыг тоглуулах нь хүүхдийг зугаацах явцдаа математикийн ур чадвараа дээшлүүлэх гайхалтай арга байж болох юм. Хүүхдийн локиг матиматикч сэтгэлгээг хөгжүүлэхэд зориулсан Монголын Оюун ухааны Академиас гаргасан “<a href="https://masterpublishing.mn/products/9711/79662">Буддаг бодлого</a>“ ном хамт зурж хөгжилтэй аргаар хүүхдийг хөгжүүлж болно. Мөн манай төвөөс 2 дугаар ангийн хүүхдүүд зориусан хөтөлбөрүүд байгааг дуулгахад таатай байна. Энэ удаагийн зөвлөгөө таалагдсан бол та өөр эцэг эхчүүдэд шэйр хийж мэдлэгээ хуваалцаарай.

7 настнуудын онцлог ба хүүхдийн хичээлийг хэрхэн хийлгэх вэ?

Бага насны хүүхдийн хөгжлийн олон үе шатуудын хамгийн их зөрчилдөөнтэй үе нь 6 настайд тохиолддог. Цэцэрлэгийн наснаас сургуулийн орчинд шилжих энэ шилжилт нь гэнэтийн явдлуудаар дүүрэн байх ба сэтгэлзүйн хувьд асар том өөрчлөлтийг мэдэрч, тав тухгүй байдлыг мэдрэх болно. Энэ үед эцэг эхчүүд энэ өөрчлөлтийн аль болох тайвнаар хүлээж авахад нь туслахыг хичээх хэрэгтэй. Зарим эцэг эхчүүд шууд л бие даах болсон, том болсон мэтээр бодож хичээлд орсон үед хайхрамжгүй хандах зүйл ажиглагддаг. Энэ шилжилтийн үед харин илүү сайн анхаарахыг сэтгэлзүйч эмч нар зөвлөдөг. Ялангуяа хүүхдээ хичээлээ тараад ирэх үед нь юу хийсэн, юу таалагдсан, ямар найзтай болсон зэрэг энгийн яриагаар хүүхдийг урамшуулж зоригжуулах нь хүүхдэд сэтгэл зүйн хувьд хүчтэй байхад нь туслах юм.Биеийн хөгжилИхэнх 6 настай хүүхдүүд маш их энергитэй байдаг тул түүнийг шатаахад гадаа тоглох цаг гаргах хэрэгтэй болно. Хичээлийн үед цэцэрлэг шиг чөлөөтэй байдал байхгүй, хүүхдүүд ангидаа маш их цаг зарцуулдаг тул биеийн хөдөлгөөн, дасгал хийх, тоглох нь чухал байх болно. Тиймээс хичээлийн дараа даалгавар хийлгэх гэх мэтээр суулгалгүйгээр хөдөлгөөн хийх боломжийг олгоорой. Хэрвээ өдөр өнжүүлэхэд явуулахаар бол аль болох тоглоомыг талбайтай, тоглох цаг гаргаж байхыг өдөр өнжүүлэхээсээ хүсэж болно.Энэ насанд нарийн хөдөлгөөнийг хүүхдүүд хийж чаддаг болдог. 6 настай олон хүүхэд зураг зурах, бичихдээ илүү чадварлаг болж, тэдний зураг, дүрүүд нь илүү танигдахуйц, ойлгомжтой харагдах болно. Тэд хайч гэх мэт багаж хэрэгслийг ашиглах ур чадвар сайжирч, үдээсээ өөрөө уях гэх мэт ажлыг илүү нарийн чадварлаг гүйцэтгэх болно.Сэтгэл хөдлөлийн хөгжил6 настайдаа таны хүүхэд өөрийн болон бусдын сэтгэл хөдлөлийг илүү сайн мэддэг болно. Тэд хэн нэгний сэтгэлийг шархлуулахгүй байх гэх мэт нарийн төвөгтэй ойлголтуудыг ойлгож эхэлнэ. Шүүмжлэлд эмзэг хандаж ч магадгүй. Нийгмийн харилцаанд оролцохдоо илүү ухаалаг болж хэнтэй ярих, хэнтэй найзлах зэрэг зүйлсийг илүү сайн бодож тунгаан шийдвэр гаргадаг болно. Өөрөөр хэлбэл сэтгэл хөдлөлөө барих чадварт суралцдаг. Жишээ нь хүүхдүүдийн өмнө уйлахгүй байх гэх мэт. Энэ үед хүүхдүүд өөрийн чадвараа бусдад харуулах хүсэл эрмэлзэлтэй байдаг тул та сайн чаддаг зүйлийг нь дэмжиж хөгжүүлж, хичээлээс гадуурх сургалтад анхаараарай. Монголын Оюун Ухааны Академийн олон сонирхолтой хөтөлбөрүүд хүүхэд бие даан хөгжихөд нь туслах болно. Эцэг эхчүүд энэ үед ярилцахдаа “Бусад хүмүүст эсвэл хүүхдэд ямар санагдаж байгаа бол гэсэн асуулт руу чиглүүлж нийгмийн харилцаанд ороход нь дан ганц өөрийгөө бодох бус бусдыг бодлыг хүндэтгэж сурхад нь туслаарай.Эцэст нь хэрвээ таны хүүхдэд доорх зүйлс ажиглагдаж байвал багштай нь ярилцах, хүүхэдтэйгээ илүү сайн ярилцаж анхаарал хандуулах хэрэгтэй. Шаардлагатай бол сэтгэл зүйчээс зөвлөгөө авах нь бас зөв юм.<ul><li>Маш их сэтгэлээр унасан, хичээлдээ дургүй байх, бухимдалтай байвал</li><li>Хичээлдээ явахдаа уйлдаг, аав ээжээсээ салахгүй байвал</li><li>Бусад хүүхдүүдтэй ярихгүй, тоглохгүй, харилцаанд орохгүй байвал</li><li>Сэтгэл зүйн хувьд тогтворгүй болж янз бүрээр аашилж байгаа бол та анхаарах хэрэгтэй гэсэн үг юм.</li></ul>

Эцэг, эхчүүдэд зориулсан зөвлөгөө: 6 настай хүүхдийн онцлог

Спорт өрөлтийн Дэлхийн аварга шалгаруулах тэмцээн 2021 оны 4 дүгээр сарын 5-наас 11-ний хооронд онлайн хэлбэрээр зохион байгуулагдсан бөгөөд уг тэмцээнд 27 улсын 611 тамирчин нас насны ангилалдаа амжилттай оролцлоо. Зохион байгуулагчдын зүгээс нэгдүгээр байрт нэг, хоёрдугаар байрт хоёр, гуравдугаар байрт гурван тамирчин, 7-10-т орсон тамирчдыг тусгай байрт тус тус шалгарууллаа.Манай улсыг төлөөлж Улаанбаатар хот болон Дархан-Уул аймгаас зургаан насны ангилалд нийт 33 тамирчин өрсөлдсөн бөгөөд 6-гаас доош насны ангилалд Язгуур бага сургуулийн 1-р ангийн сурагч Ц.Цэцбилгүүн “3-3-3” болон “3-6-3” төрөлд тус тус хүрэл медаль, 7-8 насны ангилалын “Цикл” төрөлд тус сургуулийн 3-р ангийн сурагч З.Сийлэн хүрэл медалийн болзол хангалаа.Шилдэг 10 буюу тусгай байрт Х.Ивээл, Х.Ариунхишиг, Т.Алдар нар шалгарсан юм.Энэ удаагийн тэмцээний сүүлийн шатанд гурван төрлийн өрөлтийг хамгийн бага хугацаанд гүйцэтгэсэн тамирчдыг (15-16 нас) танилцуулбал:“3-3-3” төрөл: Chan Keng Ian 1.383 секунд (Малайз) “3-6-3” төрөл: Chan Keng Ian 1.748 секунд (Малайз) “Цикл” төрөл: Evan Cloud 5.248 секунд (Америк)Харин улс улсын шилдэг багийн хооронд болсон International Challenge төрөлд АНУ-ын баг тамирчид тэргүүллээ.Хурд, авхаалж самбаа, төвлөрлийн гайхамшиг болсон Спорт өрөлтийн дэлхийн аварга шалгаруулах тэмцээндээ амжилттай оролцсон нийт тамирчдадаа талархсанаа илэрхийлээд дараагийн тэмцээнд нь өндрөөс өндөр амжилт хүсье. Тамирчдаа амжилттай бэлтгэн оролцуулсан багш, дасгалжуулагч нартаа мөн тамирчдын ар тал болж үргэлж дэмжиж байдаг гэр бүлийнхэнд нь баярлалаа.Монголын Спорт Өрөлтийн Холбооны Ерөнхийлөгч Х.Хатанбаатар

СПОРТ ӨРӨЛТИЙН ДЭЛХИЙН АВАРГА ШАЛГАРУУЛАХ ТЭМЦЭЭНД АМЖИЛТТАЙ ОРОЛЦЛОО

Дэлхийн Спорт Өрөлтийн Холбоо нь 2021 оны 4 дүгээр сарын 5-11-ний хооронд Спорт Өрөлтийн Дэлхийн Аварга шалгаруулах тэмцээнийг онлайн хэлбэрээр зохион байгуулах бөгөөд уг тэмцээнд Монгол Улсаа төлөөлөн 20-30 насны ангилалд 7 тамирчин, Бага насны ангилалд 26 тамирчин оролцохоор бэлтгэл хийж байна.Тэмцээн нь “Ганцаарчилсан”, “Хос”-ын, “Баг”-ийн нийт 3 ангилалд, 3*3*3, 3*6*3, Цикл гэсэн 3 төрлөөр явагдах ба хамгийн богино хугацаанд өрөлтийг хийж гүйцэтгэсэн нь ялагчаар тодордог.Дашрамд дуулгахад цикл өрөлтийн дэлхийн рекорд нь 4.753 секунд байдаг ба энэхүү рекордыг Малайз улсын тамирчин Chan Keng Ian эзэмшдэг юм.Хурд хүч, авхаалж самбаагаа сорихоор Спорт Өрөлтийн Дэлхийн Аварга шалгаруулах тэмцээнд эх орноо төлөөлөн оролцож байгаа нийт тамирчдадаа амжилт хүсье!Монголын Оюун Ухааны Академи

СПОРТ ӨРӨЛТИЙН ДЭЛХИЙН АВАРГА ШАЛГАРУУЛАХ ТЭМЦЭЭНД ОРОЛЦОНО

Монголын Оюун Ухааны Академийн сургалтын албанаас хотын болон орон нутгийн нийт салбарын багш нарыг хамруулсан “СУДЛААЧ БАГШ” заах арга зүйн туршлага хуваалцах цахим уулзалтыг өнөөдөр зохион байгууллаа.Уг уулзалтад академийн оюуны хөгжлийн хөтөлбөрийг франчайзын гэрээгээр хэрэгжүүлэгч орон нутгийн гэрээт салбарууд болон мөн Үндсэн салбар, Академийн дэргэдэх “Ивээлийн найзууд” цэцэрлэг, “Язгуур” бага сургуулийн нийт 40 гаруй багш нар оролцож сурагчийг хөгжүүлэх, сэдэлжүүлэх заах арга зүйн туршлага, ур чадваруудаа хуваалцан, бие биенээсээ суралцаж тухайн цаг хугацааг маш бүтээлчээр өнгөрүүллээ.Дашрамд дуулгахад Монголын Оюун Ухааны Академи нь Дархан, Эрдэнэт, Хөвсгөл, Зүүнхараа, Дорнод, Өмнөговь аймгийн Даланзадгад, Цогтцэций сумд, Баянхонгор, Увс, Өвөрхангай гэсэн нийт 9 аймгийн 10 суманд оюуны хөгжлийн хөтөлбөрүүдийг франчайзын гэрээгээр амжилттай хэрэгжүүлж байна. Цаашид манай хамт олон үйл ажиллагааныхаа цар хүрээг өргөжүүлэн Монгол улсынхаа бүх аймгуудад гэрээт салбараа нээж орон нутгийн хүүхэд залуусын оюуны хөгжилд хувь нэмэр оруулахаар зорин ажиллаж байгаа билээ.Мөн олон улсын хэмжээний төсөл хөтөлбөрийг нэвтрүүлэхээр ажиллаж байгаагаас гадна Румын улсын Бухарест хот, АНУ-ын Лос-Анжелес хотуудад Академийн гэрээт салбарууд маань үйл ажиллагаа амжилттай явуулж байна.Ингээд академийн нийт багш нар болон мэргэжил нэгт багш нартаа сурган хүмүүжүүлэх үйлсэд нь өндрөөс өндөр амжилтыг хүсье.“Хүнийг бүх талаас нь хүмүүжүүлэх гэвэл түүнийг тал бүрээс нь судалж үзэх хэрэгтэй.” К.Д УшинскийМОНГОЛЫН ОЮУН УХААНЫ АКАДЕМИ